Свт. Емилиана исп., еп. Кизического (815–820).
Прп. Григория, иконописца Печерского, в Ближних пещерах (XII). Перенесение мощей прпп. Зосимы и Савватия Соловецких (1566). Второе перенесение мощей прпп. Зосимы, Савватия и Германа Соловецких (1992). Свт. Ми́рона чудотворца, еп. Критского (ок. 350). Мчч. Елевферия и Леонида. Прп. Григория Синаита (XIV).
Сщмчч. Николая Прозорова и Сергия Тихомирова пресвитеров (1930); сщмч. Николая Шумкова пресвитера (1937); сщмч. Никодима, архиеп. Костромского (1938).
Толгской иконы Божией Матери (1314).
2 Кор., 184 зач., VII, 10–16. Мк., 9 зач., II, 18–22*.
* Если совершается полиелейная служба прпп. Зосимы, Савватия и Германа, то на утрене читается Евангелие от Матфея, 43 зач., XI, 27–30 , а на литургии – чтения дня и преподобных: Гал., 213 зач., V, 22 – VI, 2. Лк., 24 зач., VI, 17–23.
Тропарь Преображения, глас 7:
Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ Свет Твой присносу́щный/ моли́твами Богоро́дицы,// Светода́вче, сла́ва Тебе́.
Кондак Преображения, глас 7:
На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты еси́ вои́стинну О́тчее сия́ние.
Кондак святителя Емилиана, глас 3:
До́бляго тя побо́рника по Тро́ице я́вльшася/ Це́рковь сла́вит, пою́щи, Емилиа́не,/ за ню́же пострада́л еси́./ Сего́ ра́ди почита́ем па́мять твою́,// язы́ческаго наше́ствия изба́ви рабы́ твоя́.
Тропарь преподобных Зосимы, Савватия и Германа Соловецких, глас 8:
Я́ко свети́льницы яви́стеся всесве́тлии/ во отóце океа́на мóря,/ преподóбнии отцы́ на́ши Зоси́мо, Савва́тие и Ге́рмане:/ вы бо, крест Христóв на ра́мо взе́мше,/ усе́рдно Томý после́довасте/ и, чистотóю Бóгови прибли́жившеся,/ отонýдуже си́лами чуде́с обогати́стеся./ Те́мже и мы любе́зно притека́ем ко святы́м моще́м ва́шим и уми́льно глагóлем:/ о преподóбнии, моли́те Христа́ Бóга// спасти́ся душа́м на́шим.
Ин тропарь преподобных Зосимы, Савватия и Германа Соловецких, глас 4:
Пóстническое и равноа́нгельное житие́ ва́ше,/ преподóбнии отцы́ Зоси́мо, Савва́тие и Ге́рмане,/ вселе́нней позна́ны сотвори́ вас:/ чудодея́нии бо разли́чными, богонóснии, просвеща́ете// ве́рою призыва́ющия вы и чтýщия честнýю па́мять ва́шу.
Кондак преподобных Зосимы, Савватия и Германа Соловецких, глас 2:
Христóвою любóвию уязви́вшеся, преподóбнии,/ и Тогó крест на ра́мо взе́мше, понесли́ есте́,/ боже́ственне вооружи́вшеся на неви́димыя враги́/ и, непреста́нныя моли́твы я́ко копие́ в рука́х имýще,/ кре́пко победи́ли есте́ бесóвская ополче́ния;/ благода́ть Госпóдню прие́мше цели́ти недýги душ и теле́с/ притека́ющих ко святы́м моще́м ва́шим,/ чуде́с лучи́ испуща́ете всю́ду./ Тем зове́м вам:// ра́дуйтеся, преподóбнии отцы́ на́ши Зоси́мо, Савва́тие и Ге́рмане, мона́хом украше́ние.