Седмица 7-я по Пасхе. Свт. Епифания, еп. Кипрского (403). Свт. Германа, патриарха Константинопольского (740). Сщмч. Ермогена, патриарха Московского и всея Руси, чудотворца (прославление 1913).
Прп. Дионисия Радонежского (1633). Второе обре́тение мощей прав. Симеона Верхотурского (1989). Свтт. Сави́на, архиеп. Кипрского (V), и Полу́вия, еп. Риноки́рского (V). Мч. Иоанна Валаха (1662) (Румын.).
Сщмч. Петра Попова пресвитера (1937); мц. Евдокии Мартишкиной (1938).
Утр. – Ин., 35 зач. (от полу́), X, 1–9*. Лит. – Деян., 45 зач., XXI, 8–14. Ин., 49 зач., XIV, 27 – XV, 7. Свтт.: Евр., 318 зач., VII, 26 – VIII, 2. Мф., 11 зач., V, 14–19, или сщмч.: Евр., 335 зач., XIII, 17–21. Ин., 36 зач., X, 9–16.
* Чтения сщмч. Ермогена (на утрене и литургии) читаются, если ему совершается служба.
Тропарь Вознесения, глас 4:
Возне́слся еси́ во сла́ве, Христе́ Бо́же наш,/ ра́дость сотвори́вый ученико́м,/ обетова́нием Свята́го Ду́ха,/ извеще́нным им бы́вшим благослове́нием,// я́ко Ты еси́ Сын Бо́жий, Изба́витель ми́ра.
Кондак Вознесения, глас 6:
Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми, и никто́же на вы.
Тропарь святителей Епифания и Германа,глас 4:
Бо́же оте́ц на́ших,/ творя́й при́сно с на́ми по свое́й кро́тости,/ не отста́ви ми́лость Твою́ от нас,/ но моли́твами их// в ми́ре упра́ви живо́т наш.
Кондак святителей Епифания и Германа, глас 4:
Священнонача́льник чу́дную дво́ицу восхва́лим, ве́рнии, по до́лгу,/ с Ге́рманом Боже́ственнаго Епифа́ния:/ си́и бо попали́ша безбо́жных язы́ки,/ догма́ты прему́дрейшия возло́жше всем,// правосла́вно пою́щим при́сно благоче́стия вели́кое та́инство.
Тропарь священномученика Ермогена, глас 4:
Приспе́ день све́тлаго торжества́,/ град Москва́ ра́дуется,/ и с ним Русь Правосла́вная ликовству́ет/ пе́сньми и пе́ньми духо́вными:/ днесь бо свяще́нное торжество́/ в явле́нии честны́х и многоцеле́бных моще́й/ святи́теля и чудотво́рца Ермоге́на,/ я́коже со́лнце незаходи́мое, возсия́ светоза́рными луча́ми,/ разгоня́я тьму искуше́ний же и бед/ от вопию́щих ве́рно:// спаса́й нас, я́ко предста́тель наш, вели́кий Ермоге́не.
Кондак священномученика Ермогена, глас 6:
Темни́цею и гла́дом изнуря́емь,/ да́же до сме́рти ве́рен пребы́л еси́, блаже́нне Ермоге́не,/ малоду́шие от серде́ц люде́й твои́х отгоня́я/ и на о́бщий по́двиг вся призыва́я./ Те́мже и нечести́вых мяте́ж низложи́л еси́ и страну́ на́шу утверди́л еси́,/ да вси зове́м ти:// ра́дуйся, засту́пниче Росси́йския земли́.