Вернуться на главную страницу
Вернуться на главную страницу Просмотреть контактные данные Просмотреть карту сайта Перейти в гостевую книгу Перейти на страницу импорта новостей

1.jpg

Последование благодарственнаго и молебнаго пения ко Господу Богу, певаемаго в день Победы над фашистской Германией*

Диакон: Благослови, Святейший Владыко:
Патриарх возглашает: Слава Святей, и Единосущней, и Животворящей, и Нераздельней Троице, всегда, ныне и присно и во веки веков.
Лик: Аминь.
Диакон: Миром Господу помолимся: до прошения: О плавающих:
К обычным прошениям присоединяем особая:
- О еже исправитися молитве нашей сей, яко кадилу пред Спасителем нашим Богом, и приятися сей жертве сердец и устен, исповедающихся Господеви в день спасения, услышавшему нас в день печали, Господу помолимся.
- О еже непреобориму и победительну всегда над враги Отечеству быти, и мир и славу утвердити в земли нашей, Господу помолимся.
- О еже даровати нам благодать от ныне и до века верою и любовию возвещати спасение и силу и Царство Бога нашего и область Христа Его, подавшему стране нашей силу и воздавшему нам радость спасения Своего, Господу помолимся.
- О избавитися нам:
- Заступи, спаси, помилуй:
- Пресвятую, Пречистую:
Возглас: Яко подобает Тебе всякая слава:
Посем, Бог Господь, и явися нам: со стихами.
Тропарь, глас 4:
Благодарни суще, недостойнии раби Твои, Господи, о Твоих великих благодеяниих на нас бывших, славяще Тя, хвалим, благословим, благодарим, поем и величаем Твое благоутробие, и рабски любовию вопием Ти: Благодетелю, Спасе наш, слава Тебе.
Слава, глас 1:
Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство.
И ныне, Богородичен, глас 8:
Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная.

* В основу данного последования положено: 1. «Последование благодарственнаго и молебнаго пения ко Господу Богу, певаемаго в день Рождества Спасителя нашего Иисуса Христа, в воспоминание избавления Церкве и державы Российския от нашествия галлов и с ними двадесяти язык». 2. «Последование молебнаго пения о прекращении войн и мире всего мира», составленного святителем Афанасием, епископом Ковровским. 3. «Последование молебнаго пения ко Господу Богу, певаемаго во время брани против супостатов, находящих на ны».

Диакон: Вонмем.
Патриарх: Мир всем.
Чтец: И духови твоему.
Диакон: Премудрость, вонмем.
Чтец: Прокимен, глас 4: Господь крепость людем Своим даст, Господь благословит люди Своя миром. Стих: Принесите Господеви, сынове Божии, принесите Господеви славу и честь.
Апостол ко Ефесеем, зачало 233. Евангелие от Матфея, зачало 98-99 (сборное).
Рече Господь Своим учеником: услышати имате брани и слышания бранем. Зрите, не ужасайтеся, подобает бо всем сим быти, но не тогда есть кончина. Востанет бо язык на язык и царство на царство, и будут глади и пагубы, и труси по местом. Вся же сия начало болезнем. Будет бо тогда скорбь велия, якова же не была от начала мира доселе, ниже имать быти. И аще не быша прекратилися дние оны, не бы убо спаслася всяка плоть. Избранных же ради прекратятся дние оны.
По Евангелии ектения: Рцем вси:
По Еще молимся о богохранимей стране нашей: присоединяем прошения особая:
- Еще молимся, о еже прияти Господу Спасителю нашему исповедание и благодарение нас, недостойных рабов Своих, яко не по беззаконием нашим сотворил есть нам, ниже по грехом нашим воздал есть нам, но и в годину искушения, пришедшаго на Отечество наше и на всю вселенную, избавил ны есть, и внегда, обышедше, обыдоша нас врази наши, явил есть нам спасение Свое.
- Еще молимся о вождех и воинех наших, на поли брани жизнь свою положивших, от ран и глада скончавшихся, в пленении и горьких работах невинно умученных и убиенных, и всех Победы ради потрудившихся, яко да даст им Царь славы в день праведнаго Своего воздаяния жизнь вечную и венцы нетления, нас же всех в вере и единомыслии утвердит.
- Еще молимся Тебе Господу, Богу нашему, о еже призрети на, скорби, беды, страдания, слезы и стенания людей Своих, и Милостиву быти и отвратити весь гнев Свой, праведно движимый на ны, и помиловати ны.
Возглас: Услыши ны, Боже, Спасителю наш:
Хор: Аминь.
Диакон: Господу помолимся.
Хор: Господи, помилуй.
Патриарх же со всею церковию, преклонь колена, со всяким вниманием и умилением глаголет молитву* сию велегласно:

_______________________________
* Молитва, составленная святителем Филаретом Московским, дана в сокращении.

Боже Великий и Непостижимый, спасаяй погибающия, животворяй мертвыя,/ вся творяй по воли Твоей, и дивным Твоим промыслом управляяй всяческая!/ Приклони ухо Твое с высоты святыя Твоея и приими от нас, смиренных и недостойных рабов Твоих,/ сердцем и усты возносимая Тебе благодарственная сия моления, исповедания и славословия.
Яко не по беззаконием нашим сотворил еси нам, Господи, ниже по грехом нашим воздал еси нам./ Ты глаголал еси древле сыновом Израилевым, яко, аще не послушают гласа Твоего хранити и творити вся заповеди Твоя,/ наведеши на них язык безстуден лицем, иже сокрушит их во градех их, дондеже разорятся стены их./ И мы ведехом, яко исполнился глагол сей страшный на народе нашем./
Но Ты, Господи Боже, Щедрый и Милостивый, Долготерпеливый и и Истинный/ и правду храняй и творяй милость, милостию велиею помиловал еси/ и, посетив жезлом неправды наша, ущедрил еси нас победою на сопостаты./ Темже утвердися серце наше в Господе нашем,/ вознесеся рог наш в Бозе нашем, возвеселихомся о спасении Твоем./ Благодарим Тя за избавление Отечества от врага лютаго./ Даждь нам, Господи, память сего славнаго Твоего посещения/ твердо и непрестанно имети в себе,/ еже всегда благодарити и славословити:/ слава Тебе, Богу, Благодетелю нашему, во веки веков.
Лик: Аминь.
Диакон: Премудрость.
Лик: Честнейшую Херувим:
Слава, и ныне: Господи, помилуй (трижды). Благослови. И отпуст:

Воскресый из мертвых, Христос, Истинный Бог наш, молитвами Пречистыя Своея Матере, святых славных и всехвальных апостол, святаго великомученика и Победоносца Георгия, всех святых, в земли Российстей просиявших, и всех святых, помилует и спасет нас, яко Благ и Человеколюбец.
Таже: Во блаженном успении вечный покой подаждь, Господи, усопшим рабом Твоим, приснопамятным вождем и воином за веру и Отечество на поли брани жизнь свою положившим, от ран и глада скончавшимся, в пленении и горьких работах невинно умученным и убиенным и всем Победы ради потрудившимся, и сотвори им вечную память.
По сих же Многолетия и Христос воскресе: (трижды)



Особые заупокойные прошения
в день Победы над фашистской Германией

На ектении и в молитве «Боже духов:»
Еще молимся о упокоении душ приснопамятных вождей и воинов за веру и Отечество на поли брани жизнь свою положивших, от ран и глада скончавшихся, в пленении и горьких работах невинно умученных и убиенных и всех Победы ради потрудившихся, и о еже проститися им всякому прегрешению вольному и невольному.
При возглашении вечной памяти:
Во блаженном успении вечный покой подаждь, Господи, усопшим рабом Твоим, приснопамятным вождем и воином за веру и Отечество на поли брани жизнь свою положившим, от ран и глада скончавшимся, в пленении и горьких работах невинно умученным и убиенным и всем Победы ради потрудившимся, и сотвори им вечную память.

TwitterGoogle BuzzFriendFeedFacebookВКонтактеМой МирLiveJournalDeliciousGoogleОдноклассники
  • О Епархии
  • Новомученики земли Чувашской
  • Правящий Архиерей
  • История Православия в Чувашии
  • История митрополии
  • Завещание великого просветителя Чувашии И.Я.Яковлева Чувашскому народу
  • Библия на чувашском языке
  • Центр подготовки церковных специалистов
  • Сектор заочного обучения
  • Отделы
  • Епархиальный отдел по религиозному образованию и катехизации
  • Епархиальный отдел по делам молодежи
  • Епархиальный миссионерский отдел
  • Епархиальный отдел по церковной благотворительности и социальному служению
  • Епархиальный отдел по тюремному служению
  • Епархиальный отдел по взаимодействию с вооруженными силами и правоохранительными учреждениями
  • Епархиальный отдел по взаимоотношениям Церкви и общества
  • Комиссия по канонизации святых Чувашской митрополии
  • Храмы
  • Монастыри
  • Новости
  • Архиерейское служение
  • Публикации
  • Анонсы
  • СМИ
  • Телевизионные и радио программы
  • Газеты, журналы
  • Журнал "Бог и человек. Вестник Чувашской митрополии"
  • Персоналии
  • ВАРНАВА митрополит Чебоксарский и Чувашский
  • СТЕФАН епископ Канашский и Янтиковский
  • ФЕОДОР епископ Алатырский и Порецкий
  • ИГНАТИЙ, епископ Мариинско-Посадский, викарий Чебоксарской епархии
  • Секретарь Епархиального Управления
  • Фотогалерея
  • Видеогалерея
  • Гостевая книга
  • Контакты и реквизиты
  •